A Rede de Centros para a Modernización e a Inclusión Tecnolóxica (Rede CeMIT) está formada na actualidade por 98 aulas públicas dotadas de acceso a Internet distribuídas por toda a xeografía galega. Estas aulas serven de instrumento esencial para promover a alfabetización dixital da sociedade galega, sendo o vehículo a través do cal os cidadáns/as poden iniciarse nas tecnoloxías da información e a comunicación grazas aos cursos e charlas que nelas se imparten.

A estratéxica localización das súas instalacións, ao longo de máis de 53 comarcas e 92 concellos, favorece que calquera dos seus usuarios non deba percorrer grandes distancias para atopar unha Aula CeMIT na que se impartan algunha das máis de 3.000 actividades formativas previstas. Esta dispersión xeográfica permite garantir a correcta vertebración territorial e social de Galicia, especialmente onde a fenda dixital faise máis evidente.

A continuación atópase un buscador co que poderá atopar a localización e datos xerais de todas as Aulas CeMIT